Joriy 12 dekabr kuni soat 08:40 larda Baliqchi-Jomashuy-Pungon yo`lining 64 km.da Ingichka MFY hududida 1991 yilda tug`ilgan fuqaro ZIL-130 rusumli avtomashinani boshqarib borayotib, harakat xavfsizligini ta`minlay olmay, qarama-qarshi yo`nalishga chiqib ketib, shu yo`nalishda harakatlanib kelayotgan fuqaroni ishonch qog`ozi orqali boshqaruvida bo`lgan Neksiya-1 rusumli avtomashinasi bilan to`qnashuv sodir etgan. Bu haqda Namangan viloyati IIB Axborot xizmati xabar bermoqda.
Natijada Neksiya rusumli avtomashinada bo`lgan yo`lovchi ayol voqea joyida vafot etgan.
Yana bir nafar yo`lovchi va haydovchi og`ir tan jarohati olib, shifoxonada vafot etganlar.
Qolgan ikki nafar yo`lovchi ayollar tan jarohati olib shifoxonaga yotqizilgan.
Ushbu holat bo`yicha Mingbuloq tumani IIB huzuridagi TB tomonidan 2020 yil 12 dekabr kuni O`z.R JKning 266-moddasi 3-qismi bilan jinoyat ishi qo`zg`atilgan.
