Yangi yil avvalida va yanvar oyining boshlarida Turkiyada komendantlik soati joriy etiladi. Bu haqda respublika prezidenti Rajab Toyyib Erdo`g`an Vazirlar Mahkamasining to`rt soatlik yig`ilishidan so`ng ma`lum qildi.
Ma`lum qilinishicha, komendantlik soati 31 dekabr soat 21:00 da boshlab, 4-yanvar kuni soat 5:00 gacha davom etadi. Turkiya Prezidentining so`zlariga ko`ra, komendantlik soati koronavirus tarqalishiga qarshi ko`rilgan chora hisoblanadi.
"Ilgari joriy etilgan cheklovlar o`zining ijobiy natijasini berdi, kasallik yuqtirganlar soni kamaydi", dedi Turkiya Prezidenti.
So`nggi ma`lumotlarga ko`ra, Turkiyada pandemiya boshlanganidan beri 1,8 million kishi koronavirus yuqtirgan, 16 mingdan ortig`i uning asoratlari sabab vafot etgan.
