Isroil va Gresiya bosh vazirlari Turkiyani “Islom davlati”dan neft sotib olganlikda aybladi. Bu haqda “Lenta.ru” xabar bermoqda.
Buni ular Afinadagi muzokaralar yakuniga bag`ishlangan matbuot anjumanida aytib o`tgan. Isroil mudofaa vaziri Moshe Yaalon Anqarani to`g`ridan-to`g`ri terrorchilarga homiylik qilganlikda aybladi:
“Barchaga ma`lumki, ID anchadan beri Turkiyaga neftni sotish orqali o`zini moliyalashtiradi. Umid qilamanki, bu harakatlar o`z nihoyasiga etadi. Turkiya hukumati terrorizm bilan kurashga qo`shilishni ko`zda tutayotgani borasida bir qarorga kelish fursati etdi”
Bundan tashqari, Yaalon Turkiya hududi orqali jangari jihodchilar joylashuviga hukumat beparvo bo`layotganini ham ta`kidladi.
O`z navbatida uning gresiyalik hamkasbi Panos Kammenos ham Turkiya ID nazorati ostida bo`lgan hududda ishlab chiqariladigan neftning katta qismini sotib olish orqali terrorchilarni moliyalashtirayotganini aytib o`tdi.
Shuningdek, Kammenos Anqarani Evropaga kirib kelayotgan muhojirlar oqimini cheklash bo`yicha chora-tadbirlar ishlab chiqishga chorladi.
