Sal avval Qarshida 13 nafar o`smir is gazidan zaharlanganligi haqida xabar berilgan edi. Holat yuzasidan Bosh prokuratura rasmiy munosabat bildirdi.
Aniqlanishicha, bugun 19 dekabr kuni soat 06-50 larda Qarshi shahridagi xususiy o`quv markazlaridan birining yotoqxonasida yashovchi 13 nafar o`smir yotoqxonaga o`rnatilgan gaz bilan ishlaydigan isitish qozonidagi nosozlik sababli zaharlanishgan.
Ko`rsatilgan tez tibbiy yordamdan so`ng ularni barchasining ahvoli yaxshilangan.
Hozirda mazkur holat yuzasidan Qarshi shahar prokuraturasi tomonidan tergovga qadar tekshiruv harakatlari o`tkazilmoqda.
Tekshiruv olib borilishi ustidan Qashqadaryo viloyati prokuraturasi tomonidan nazorat o`rnatilgan, deyiladi xabarda.
