Isroil davlatida ham aholini ommaviy tarzda koronavirusga qarshi emlash ishlari boshlab yuborildi. Mamlakat bosh vaziri Binyamin Netanyaxu birinchilardan bo`lib bu vaksinani qabul qilib oldi. Uning bu vaksinani qabul qilish jarayoni Isroil markaziy televideniesi orqali namoyish etildi.
Dushanba – 21 dekabr kunidan boshlab mamlakatdagi barcha tibbiyot xodimlari emlanishi kutilmoqda.
Isroil sog`liqni saqlash vazirligining so`nggi ma`lumotlariga ko`ra, mamlakatda koronavirus bilan kasallanganlar soni 370 mingdan oshgan, 3000 dan ortiq odam COVID-19 sababli vafot etgani aytilmoqda.
