Ijtimoiy tarmoqlarda “Ikki bolali nogiron ayolga atalgan uy senator sobiq haydovchisiga rasmiylashtirildi.” nomli maola e`lon qilingan edi.
Samarqand viloyat prokuraturasi ushbu maqola yuzasidan rasmiy bayonot berdi.
Ma`lum ilinishicha, nogiron D.Rizaqulovaning turmush o`rtog`i fuqaro P.Xayriev 15.03.2017 yilda shahar hokimligiga uy-joy ajratish bo`yicha murojaat qilgan.
Samarqand shahrida ko`p kvartirali uylardagi xonadonlarni biriktirish masalalarini ko`rib chiqish bo`yicha shahar hokimiyatidagi hududiy komissiyaning 23.03.2017 yildagi 1-sonli yig`ilish bayoniga asosan P.Xayriev va uning oila a`zolariga Samarqand shahar Rkdakiy ko`chasi 1-raqamli ko`p qavatli uy-joyning 2-qavat, 1-yo`lagidagi foydalanish maydoni 50,6 kv.metr bo`lgan ikki xonali xonadon boshlang`ich to`lovini to`lash sharti bilan biriktirilgan.
Keyinchalik, P.Xayriev biriktirilgan ushbu uy-joyni sotib olishdan bosh tortib, viloyat “Ipoteka-bank” ATIBda ochilgan hisob-raqamidagi mavjud boshlang`ich to`lov pullarini yozma arizasi asosida qaytarib olgan.
O`zbekiston Respublikasi Vazirlar Mahkamasining 16.01.2017 yildagi 14-sonli Qarori bilan tasdiqlangan Nizomga asosan talabgor P.Xayriev boshlang`ich to`lovni 60 kun mobaynida alohida ochilgan hisob-raqamiga to`lamaganligi bois, komissiya yig`ilish bayoni o`z kuchini yo`qotgan.
Shundan keyin, P.Xayriev mazkur uyni topshirib, D.Rizaqulova va ikki nafar farzandlarini o`z holiga tashlab boshqa viloyatga ketib qolganidan so`ng, D.Rizaqulova ushbu uy-joyni erto`la qismida farzandlari bilan ma`lum vaqt istiqomat qilayotganligi sababli, viloyat va shahar xotin-qizlar qo`mitasi xodimlari tomonidan ushbu holat o`rganilib, ushbu uy-joyga vaqtinchalik yashash uchun kiritib qo`yilgan.
Fuqaro D.Rizaqulova moddiy ahvoli og`irligi sababli boshlang`ich to`lovini to`lashi va ipoteka krediti rasmiylashtirish imkoni bo`lmagan.
Fuqaro D.Rizaqulovaning turmush o`rtog`i bilan yashamayotganligi, ko`z bo`yicha o`zi va farzandlarining nogironligi borligi, mehnatga layoqatsiz ekanligi kabi holatlar inobatga olinib, Samarqand shahrida yashovchi ijtimoiy himoyalanmagan, kam ta`minlangan va uy-joyga muhtoj bo`lgan fuqarolarni ro`yxatga olish komissiyasi tomonidan navbatga qo`yilishi hamda unga viloyat hokimining 29.04.2020 yildagi 63-Q-sonli qarori bilan Samarqand shahar “Obod maskan” mahallasi hududida joylashgan 71-uy 65-xonadon biriktirib berilishi ta`minlangan.
Fuqaro B.A.ning uy-joyga muhtojligi to`g`risidagi arizasiga asosan Samarqand shahrida ko`p kvartirali uylardagi xonadonlarni biriktirish masalalarini ko`rib chiqish bo`yicha hududiy komissiyasining 18.03.2020 yildagi yig`ilish bayonnomasiga asosan Samarqand shahar, Rudakiy ko`chasi 1-raqamli ko`p qavatli uy-joyning 2-qavat, 1-yo`lagidagi foydalanish maydoni 50,6 kv.metrdan iborat bo`lgan ikki xonali xonadon biriktirilgan.
Mazkur xonadonni kredit asosida to`lovlarni amalga oshirib borish sharti bilan fuqaro B.A. tomonidan boshlang`ich to`lov summasi to`lanib, kredit hujjatlari rasmiylashtirilgan.
Hozirgi kunda ham fuqaro B.A. tomonidan belgilangan to`lovlar to`lab kelinayotgan bo`lsada, ushbu uy-joyni fuqaro D.Rizaqulova bo`shatib bermayotganligi, unga biriktirilgan Samarqand shahar “Obod maskan” mahallasi hududidagi 71-uy 65-xonadonda doimiy yashashi va foydalanishi mumkinligi to`g`risida bir necha marotaba tushuntirilganligiga qaramasdan ushbu uyga ko`chib o`tmasdan kelmoqda, - deyiladi prokuratura bayonotida.
