Bugun, 26 dekabr kuni Termiz shahrida Yangi yil uchun bezatilgan archa 20metr/sekund tezlikda qor aralash kuchli shamol tufayli qulab tushdi. Ushbu qulagan archa suratlari ijtimoiy tamroqlarda tarqaldi.
Termiz shahar hokimligining ma`lum qilishicha, hozirda archa karkasini ta`mirlash maqsadida demontaj ishlari olib borilmoqda.
"Tez fursatlarda yangi yil archasi ta`mirlanib, o`z o`rnida qaytib o`rnatiladi va madaniy tadbirlar dastur asosida davom ettiriladi", deyilgan hokimlik xabarida.
Eslatib o`tamiz, sal avval Farg`onada bezatilgan katta archa yonib ketgani xabar qilingan edi.
