Bir guruh ko`cha bezorilari psixotrop moddalar ta`sirida 2020 yilning 31 dekabr ko`chada bir qancha qoidabuzarliklarni sodir etgan. Bu haqda "Toshkent" kanalining informatsion dasturida ma'lum qilindi.
2020 yilning 31 dekabr kuni taxminan soat tonggi 4 larda jamoat tartibini saqlash hamda jinoyatni oldini olish post patrul xizmati xodimlari Chilonzor tumani Muqimiy ko`chasida xizmat avtomashinasida harakatlanayotgan vaqtida "Matiz" rusumli avtomobilni qorong`i bo`lishiga qaramay, chiroqlarni yoqmay harakatlanayotgani ko`radi va to`xtatadi. Haydovchi esa YPX xodimining ishorasiga e`tibor qilmay, yo`lning qarama-qarshi tomoniga o`tib harakatni davom ettirmoqchi bo`ladi. So`ngra boshqaruvni yo`qotgani sabab to`xtatashga majbur bo`ladi.
Matiz ichida bo`lgan 4 nafar yigitdan 2 nafari avtomobildan tushib, YPX xodimiga tashlanadi. Ular sovuq qurol bo`lgan pichoq bilan xodimlarga tashlanadi. YPXning yordam guruhi etib kelgach, bezorilar voqea joyidan qochib ketgan.
Olib borilgan tezkor surishtiruv ishlari natijasida yigitlarning biri muqaddam o`g`rilik sodir etib sudlanganligi ma`lum bo`ldi. Mazkur holat yuzasidan Jinoyat kodeksining 277-moddasiga asosan jinoyat ishi qo`zg`atildi. Bunday hollarda jazo tariqasida 3 yildan 5 yilgacha qamoq jazosi qo`llaniladi.
Bezorilarning biri, ya`ni Abduhakimov Xojakbar Tal`atjon o`g`li voqea joyidan qochib qolgan. Toshkent shahar IIB jinoyatchini qo`lga olishda barcha fuqarolardan amaliy yordam so`ragan.
