Tadbirkordan 15 ming dollar talab qilgan xususiy bank raisi qo`lga olindi. Bu haqda "O`zbekiston 24" telekanalida xabar berildi.
Ma`lum qilinishicha, Respublikada faoliyat yuritayotgan xususiy aksiyadorlik tijorat banklaridan birining boshqaruv raisi Toshkentdagi tadbirkorlardan biriga 4 mlrd co`m miqdorida kredit ajratib berish uchun pora sifatida 15 ming AQSh dollari talab qilgan.
DXX va Departament xodimlari tomonidan o`tkazilgan tezkor tadbirda bank rahbari so`ralgan puldan 103 mln. so`mni o`z tanishiga tegishli MChJning hisob raqamiga o`tkazish orqali qo`lga kiritganligi aniqlangan, deyiladi tezkor tasvirlar tushirilgan videolavhada.