Jizzax shahrining Zilol mahallasi hududida turgan konteyner o`g`irlab ketilgan. Bu haqda Jizzax viloyati IIB Axborot xizmati xabar berdi.
Holat yuzasidan jinoyat ishi qo`zg`atilib, ichki ishlar organlari xodimlari tomonidan olib borilgan tezkor qidiruv tadbirlari natijasida o`g`irlik qilgan fuqaro qo`lga olingan.
Qiymati 84 million 889 ming so`mlik konteynerni Sharof Rashidov tumanida yashovchi E.Z. tomonidan sodir etilganligi aniqlandi. U o`g`irlangan konteynerni shu tumaning Toqchilik qishloq fuqarolar yig`inida joylashgan qurilishi tugallanmagan turar-joyiga yashirib qo`ygan. Holat yuzasidan tergov harakatlari olib borilmoqda.