Ayni daqiqlarda AOKAda o`tayotgan matbuot anjumanida Iqtisodiy taraqqiyot va kambag`allikni qisqartirish vazirining birinchi o`rinbosari Ilhom Norqulov sohadagi islohotlar, vazifalar haqida fikr yuritdi.
«Iqtisodiy o`sish ko`rsatkichlarini saqlab qolishga erishishimiz kerak. Bunda aholi va tadbirkorlar daromadini oshirish orqali kambag`allikni qisqartirish, aholi farovonligini ta`minlash muhim ahamiyat kasb etadi.
Mazkur masalaning 2 ta sharti bor:
Birinchi sharti — makroiqtisodiy barqarorlik. Bu inflyasiya darajasini pasaytirib borish, fiskal taqchilliknii kamaytirish orqali ta`minlanadi.
Davlat tashqi qarzi va qarz darajasini maqbullashtirib borishga ham alohida e`tibor qaratiladi.
Ikkinchi sharti — xususiy investisiya va to`g`ridan-to`g`ri xorijiy investisiyalar uchun zarur sharoitni yaratish».
