Joriy yil 8 yanvar kuni Yangiqo`rg`on tuman IIB HPB profilaktika inspektori tomonidan, tumandagi bolalar dam olish oromgohi qorovuli, 1956 yilda tug`ilgan fuqaro oromgohni bolalar yotoqxonasida 100.000 so`m pul evaziga, 26 yoshli erkak va 34 yoshli ayolning jinsiy aloqa qilishlari uchun sharoit yaratib berganligi aniqlangan. Bu haqda Namangan viloyati IIB Axborot xizmati xabar berdi.
Ushbu holat bo`yicha Yangiqo`rg`on tuman IIB huzuridagi TB tomonidan O`z.R JKning 131-moddasi 2-qismi bilan jinoyat ishi qo`zg`atilgan.
