Toshkent shahar IIB xodimlari Shayxontohur tumanidagi “xujra”da bolalarga noqonuniy diniy ta`lim berib, ularni kaltaklagan shaxsni qo`lga oldi.
Ma`lum qilinishicha bu xujra tarbiyalanuvchilari bo`lgan voyaga etmagan fuqarolar o`qish davomida o`qlov bilan kaltaklangan.
Ushbu "xujra" 2020 yilning 10 dekabr kuni Shayxontohur tumani IIB Boshqarmasi va DXX xodimlari hamkorlikdagi tezkor surishtiruvlari orqali tuman hududidagi xonadonlarining birida aniqlangan.
Qonunbuzarga Jinoyat Kodeksining 170 moddasiga asosan Jinoyat ishi qo`zg`atilgan. Shuningdek, tergov mobaynida bolalarning ota-onalari noqonuniy ustozga haq sifatida 150-200 AQSh dollari miqdorida pul berib turishgani ochiqlandi.
Hozirda holat yuzasidan tezkor surishtiruv-tergov ishlari davom etmoqda.
