Bugun 17 yanvar kuni Poytaxtimizning Sergeli tumani Sputnik 4 dahasida noqonuniy daraxt kesilishi yuzasidan ijtimoiy tarmoqlarda ma`lumotlar tarqatildi.
Ekologiya qo`mitasi axborot xizmati ma`lum qilishicha, vaziyatga oydinlik kiritish maqsadida Toshkent shahar ekologiya boshqarmasi tomonidan zudlik bilan ishchi guruh tuzilib, joyida o`rganish ishlarini olib borishmoqda.
Dastlabki ma`lumotlarga ko`ra, hududda qurilish ishlari olib borilayotgani, 4 tup daraxtni "Eko industrial park" mas`uliyati cheklangan jamiyati hududiga ko`chirib o`tqazilganligi ma`lum bo`lgan.
