AQSh JSST a`zoligidan chiqmaydigan bo`ldi

Dunyo 21.01.2021, 15:27
Teglar: JSST, Jo Bayden
AQSh JSST a`zoligidan chiqmaydigan bo`ldi

AQSh prezidenti Jo Bayden chorshanba kuni o`zidan avvalgi prezident Donald Trampning Jahon sog`liqni saqlash tashkilotidan (JSST) chiqish to`g`risidagi qarorini bekor qiladigan farmonni imzoladi, deb xabar bermoqda G`arb matbuotiga tayanib INTERFAX.RU.

AQShni JSSTga qaytarish to`g`risidagi qaror Bayden lavozimiga kirishganida qabul qilgan ilk qarorlardan biri bo`ldi. Agar Bayden bunday qadamni qo`ymagan va JSSTdan chiqish tartibini to`xtatmagan taqdirda, Qo`shma Shtatlar 2021 yil 6 iyulda tashkilotni rasman tark etardi. 

Inaugurasiya oldidan e`lon qilingan Bayden jamoasining bayonotida aytilishicha, Qo`shma Shtatlar bu hafta Jahon sog`liqni saqlash tashkiloti Ijroiya qo`mitasi ishida Amerika yuqumli kasalliklar bo`yicha etakchi mutaxassis doktor Entoni Fausi boshchiligidagi Amerika delegasiyasi bilan ishtirok etadi. Bundan tashqari, bayonotda Bayden ma`muriyati Jahon sog`liqni saqlash tashkiloti va AQShning boshqa sheriklari bilan JSSTni isloh qilish, mustahkamlash va tashkilotning sog`liqni saqlash bo`yicha harakatlarini qo`llab-quvvatlash bo`yicha ish olib borishi aytilgan.

AQShning sobiq prezidenti Donald Tramp ma`muriyati bir necha bor JSST COVID-19 koronavirusi tarqalishi to`g`risidagi ma`lumotlarni yashirishda ishtirok etgan deb da`vo qilgan edi. Shu munosabat bilan, aprel oyining o`rtalarida Tramp tashkilotning COVID-19 koronavirus epidemiyasiga qarshi muvaffaqiyasiz munosabati bo`yicha tekshiruv o`tkazilguniga qadar AQShning JSST ishidagi ishtirokini vaqtincha to`xtatishga qaror qildi. Iyul oyida Qo`shma Shtatlar Birlashgan Millatlar Tashkilotining Bosh kotibi Antonio Guterreshga JSSTdan chiqish to`g`risida xabar berdi. Qaror 2021 yil 6 iyulda kuchga kirishi kerak edi.

Sharhlar

Sakkiz haftadan buyon dunyoda COVID-19 dan o`lim ko`rsatkichlari ortmoqda — JSST

25.01.2023, 11:28

Jahon sog`liqni saqlash tashkiloti bosh direktori Tedros Gebreyesus 2022 yilning dekabr oyidan buyon dunyoda koronavirus qurbonlari soni ortib borayotganini ma`lum qildi. Bu haqda SSV matbuot...
Koronavirusga qarshi vaksinalarning buster dozasi insult xavfini keltirib chiqarmaydi — JSST 

23.01.2023, 11:20

Jahon sog`liqni saqlash tashkilotining immunizasiya va vaksinasiya masalalari bo`yicha direktori Keyt O’Brayen koronavirusga qarshi emlash vositalari samaradorligi va xavfsizligi haqida bayonot berdi. Bu haqda SSV...
Dunyo bo`ylab kasallanishning yangi to`lqini kutilmoqda — JSST

05.01.2023, 11:00

Jahon sog`liqni saqlash tashkilotining ma`lum qilishicha, “omikron” shtammining yangi XBB.1.5 subvarianti 29 mamlakatda ro`yxatga olindi. Bu haqda SSV matbuot xizmati xabar bermoqda. Ma`lum qilinishicha, bu...
O`tgan haftada har 44 soniyada bir kishi koronavirus tufayli hayotdan ko`z yumdi — JSST

09.09.2022, 16:01

Jahon sog`liqni saqlash tashkilotining navbatdagi hisobotida keltirilishicha, o`tgan haftada dunyo bo`yicha har 44 soniyada bir kishi COVID-19dan vafot etgan. Bu haqda SSV matbuot xizmati xabar...
Ob-havo: Toshkent
Valyuta kursi
1