Ijtimoiy tarmoqlarda Qashqadaryoning Yakkabog` tumanidagi fuqaroni, 15 yanvar kuni 3-4 kishi qo`l-oyog`ini bog`lab, shafqatsizlarcha kaltaklashganligi haqida xabar tarqatilgan edi.
Bosh prokuraturasi jamoatchilik bilan aloqalar va huquqiy axborot bo`limi boshlig`ining ma`lumot berishicha, zo`rovonlar pichoq va issiq kapkir bilan uning badanini kuydirishib, arqon bilan bo`g`ib, hushidan ketguncha do`pposlashibdi.
Mazkur holat yuzasidan joriy yilning 21 yanvar kuni Yakkabog` tumani IIB tomonidan Jinoyat kodeksining 110-moddasi (Qiynash) bilan jinoyat ishi qo`zg`atilib, tergov harakatlari boshlab yuborilgan.
Tergov jarayoni Qashqadaryo viloyati prokuraturasi tomonidan nazoratga olingan.
