Tayvanda bugun 6 fevral kuni mahalliy vaqt bilan 4:00 da 6,4 magnitudali zilzila sodir bo`ldi. Bu haqda “Lenta.ru” xabar bermoqda.
Zilzila episentri Taynandan 43 kilometr janubiy-sharqiy hududda joylashgan. Zilzila o`chog`i 23 kilometr chuqurlikda joylashgani aytilmoqda.
Er silkinishi oqibatida halok bo`lganlar soni besh nafarga etgani aytilmoqda.
Halok bo`lganlarning jasadi Taynandagi 17 qavatli uy xarobalari ostidan topilgan. Ularning orasida 10 kunlik chaqaloq ham bo`lgan. Qutqaruvchilar maxsus texnika va itlardan foydalangan holda xarobalar ostida qolib ketganlarni topishga urinmoqda.
Ikki million aholi yashaydigan shahardagi yana ko`plab binolar va aholi turar joylari yaroqsiz holga kelgan.
Qutqaruvchilar bergan ma`lumotlarga ko`ra, shahar bo`yicha 15 nafar jabrlanganlar shifoxonalarga joylashtirilgan. Qutqaruv ishlariga 810 nafar harbiy xizmatchilar jalb qilingan
