Rossiyaning Moskva shahrida yashovchi ayol bir kunlik chaqalog`ini axlat quvuriga tashlab yuborgan, deb xabar beradi “TASS”.
Hodisa bugun 7 fevral kuni Moskva shahridagi “Borisovskie prudi” ko`chasida joylashgan ko`p qavatli uylarning biri hovlisida yuz bergan. Erta tongda axlat quvurlarini tozalayotgan xodimlardan biri u erda yotgan chaqaloqni ko`rib qoladi va tez tibbiy yordam xizmatiga murojaat qiladi. Ma`lumotlarga ko`ra, hozirda chaqaloqning ahvoli qoniqarli. U shifoxonaga olib kelinganida o`ta sovqotib qolgan edi. Shifokorlar chaqaloqqa zaruriy yordam ko`rsatmoqda.
Chaqaloqning onasi topilgan va uning shaxsi aniqlangan. Hozirda unga nisbatan jinoiy ish qo`zg`atilgan.
