Kecha, 28 yanvar kuni ijtimoiy tarmoqlarda "Shahrisabzda GAI xodimi odam urib yubordi" sarlavhasi ostidagi video lavha tarqalgan edi. Ushbu holat yuzasidan O`zbekiston Respublikasi IIV YHXBB surishtiruv ishlari olib bordi va quyidagilarni ma`lum qildi.
Fuqarolar tomonidan olingan video tasvirga “Shahrisabzda GAI xodimi odam urib yubordi” sarlavhasi noto`g`ri berilib, norasmiy sahifalarda asossiz tarqatilgan.
Shahrisabz tuman IIB YHXB xodimlari E.Qo`ziev va M.Doniyorovlarning qonuniy talablarini bajarmaganligi va xizmat faoliyatiga xalaqit berganligi bois, fuqarolar 1976 yilda tug`ilgan N.M., 1995 yilda tug`ilgan B.T. hamda 1993 yilda tug`ilgan B.B.larga nisbatan to`plangan hujjatlar ko`rib chiqish uchun Jinoyat ishlari bo`yicha Shahrisabz tuman sudiga yuborildi.
Joriy yilning 28 yanvar kuni Sud tomonidan:
- fuqaro, 1976 yilda tug`ilgan N.M. O`zbekiston Respublikasi Ma`muriy javobgarlik to`g`risidagi Kodeksning 183-moddasi, 194-moddasi 1-qismi va 195-moddasida ko`rsatilgan huquqbuzarliklarni sodir etgan deya topilib, 10 sutka ma`muriy qamoq jazosi;
- fuqaro, 1995 yilda tug`ilgan B.T. O`zbekiston Respublikasi Ma`muriy javobgarlik to`g`risidagi Kodeksning 194-moddasi 1-qismi va 195-moddasida ko`rsatilgan huquqbuzarliklarni sodir etgan deya topilib, 7 sutka ma`muriy qamoq jazosi;
- fuqaro, 1993 yilda tug`ilgan B.B. O`zbekiston Respublikasi Ma`muriy javobgarlik to`g`risidagi Kodeksning 194-moddasi 1-qismida ko`rsatilgan huquqbuzarlikni sodir etgan deya topilib, bazaviy hisoblash miqdorining 2 baravari miqdorida, ya`ni, 446.000 so`m jarima jazosi tayinlandi.
