AOKAda o`tkazilgan brifingda Ekologiya va atrof-muhitni muhofaza qilish davlat qo`mitasi axborot xizmati rahbari Bunyod Abdullaev ma`lum qildi.
2020 yil davomida o`tkazilgan davlat ekologik nazorati natijalariga ko`ra daraxt va butalarni noqonuniy kesilishi bilan bog`liq jami 3 960 ta huquqbuzarlik aniqlangan.
Noqonuniy daraxtkesarlarning 136 nafari mansabdor shaxslar.
Huquqbuzarlarga jami 4,578 mln.so`m jarima solingan, o`simlik dunyosiga etkazilgan zarar miqdori esa – 15,305 mln.so`m.
Aniqlanishicha, jami 2 724 m3 buta, 7 812 dona daraxt shundan, 3 428 dona qimmatli va 4 384 dona kamyob va qimmatbaho daraxtlar noqonuniy ravishda kesilgan.
18 ta holat bo`yicha qonunbuzarlik sodir etgan shaxslarga nisbatan jinoiy ish qo`zg`atilgan.
Huquqbuzarlardan 127 ta qurol-aslahalar ashyoviy dalil sifatida olib qo`yilgan.
