Toshkent shahrida “Yangihayot” industrial texnoparki tashkil etiladi. Bu borada prezidentning tegishli qarori qabul qilindi.
Qarorga ko`ra, Toshkent shahri Yangihayot tumanida 210 gektar er uchastkasida “Yangihayot” industrial texnoparki tashkil etiladi.
Mazkur texnoparkni tashkil etish uchun er maydonlari ajratilishi bilan bog`liq qishloq xo`jaligi va o`rmon xo`jaligi ishlab chiqarishi nobudgarchiliklarining o`rnini qoplash bo`yicha kompensasiya to`lovlari besh yilgacha bo`lgan davrda bo`lib-bo`lib to`lanishi mumkin.
