16 fevral kuni Ellikqal`a tumani IIB JQB xodimlari tomonidan o`tkazilgan tezkor tadbir davomida To`rtko`l tumani O`zbekiston OFY hududida 41 yoshli Aybek K. va 36 yoshli Axmad e. ismli shaxslar maxsus xaridorga 1.200.000 so`m pul evaziga chaqmoq shakldagi daftar varag`iga o`ralgan qo`ng`ir sarg`ish rangli, donador, kukunsimon va uksus hidli sof og`irligi 0,17 gramm “GEROIN” giyohvandlik moddasini sotgan vaqtida qo`lga olingan. Bu haqda O`zbekiston Respublikasi IIV huzuridagi Tergov departamenti ma`lum qildi.
Sud kimyoviy ekspertiza xulosasiga ko`ra, ushbu modda “Geroin” giyohvandlik moddasi ekanligi aniqlangan.
Mazkur holat bo`yicha Ellikqal`a tumani IIB huzuridagi Tergov guruhi tomonidan O`zbekiston Respublikasi Jinoyat kodeksning 273-moddasi 5-qismi (Giyohvandlik vositalari, ularning analoglari yoki psixotrop moddalarni o`tkazish maqsadini ko`zlab qonunga xilof ravishda tayyorlash, olish, saqlash va boshqa harakatlar qilish, shuningdek ularni qonunga xilof ravishda o`tkazish) bilan jinoyat ishi qo`zg`atilgan hamda dastlabki tergov jarayonida og`ufurushlarga nisbatan ayblov e`lon qilinib “qamoqqa olish” tarzidagi ehtiyot chorasi tanlangan.
Hozirda giyohvandlik moddasini kelib chiqishi aniqlanmoqda. Tergov yakuniga ko`ra qonuniy qaror qabul qilinishi ta`minlanadi.
