Toshkentda "Lacetti" kelib urgan "Nexia-3" ag`darilib yo`lning qarama-qarshi tarafiga o`tib ketdi

2021 yil 20 fevral kuni taxminan soat 11:05 larda Mirzo Ulug`bek tumanidagi Mirzo Ulug`bek ko`chasida 33 yoshli B.X. boshqaruvidagi "Lacetti" rusumli (davlat raqami 01 L 175 LB) transport vositasi, qayrilib olish jarayonida 42 yoshli U.N. boshqaruvidagi "Nexia-3" rusumli (davlat raqami 01 Z 796 JB) transport vositasi bilan to`qnashuv sodir etgan. Bu haqda IIBB xabar bermoqda. 
YTH natijasida "Nexia-3" rusumli avtomobil ag`darilib yo`lning qarama-qarshi tarafiga o`tib ketgan. Haydovchi tan jarohatlari olgan, unga tibbiy yordam ko`rsatilgan.
Mazkur holat yuzasdan tergovga qadar tekshiruv harakatlari o`tkazilmoqda.
Hurmatli fuqarolar! Yo`l harakati qoidalariga rioya eting: hech qanday muhim ishlar siz tomoningizdan buzilgan qoidalarning salbiy oqibatlarini oqlay olmaydi.