Suriyadagi Eronparast qurolli guruhlar AQSh armiyasiga qarshi yangi hujumlarni rejalashtirayotgan edi, dedi AQSh prezidenti Jo Bayden. 27 fevral kuni davlat rahbari Suriyaning sharqida Amerika tomonidan uyushtirilgan havo hujumi to`g`risida Kongressga xabar berdi. Vakillar Palatasi va Senatga yuborilgan xat matni Oq uy veb-saytida e`lon qilindi. Bu haqda rbs.ru xabar berdi.
"Mening buyrug`imga binoan, 2021 yil 25 fevralda AQSh harbiylari Suriyaning sharqiy qismidagi Eron tomonidan qo`llab-quvvatlanadigan nodavlat qurolli kuchlar foydalangan infratuzilmaga maqsadli zarba berdi", deyiladi xabarda.
"Ushbu guruhlar Iroqdagi AQSh va koalisiya qo`shinlariga qarshi so`nggi hujumlarda qatnashgan, ulardan biri 2021 yil 15 fevralda Erbil shahrida amalga oshirilgan va buning natijasida bir necha kishi jarohat olgan",— dedi Amerika rahbari.
