Jori yil 4 mart kuni O`zbekiston Respublikasi Bosh vaziri A. Aripov Belarus Respublikasi Bosh vazirining o`rinbosari A. Subbotinni qabul qildi. Bu haqda O`zbekiston Respublikasi Bosh vazirining Matbuot xizmati xabar bermoqda.
Uchrashuv davomida O`zbekiston bilan Belarus o`rtasidagi savdo-iqtisodiy, sarmoyaviy va madaniy-gumanitar sohalardagi o`zaro aloqalarning hozirgi holati va kelgusida rivojlanish istiqbollari muhokama qilindi.
Toshkentda bo`lib o`tgan Ikki tomonlama hamkorlik bo`yicha hukumatlararo komissiya yig`ilishining natijalari ko`rib chiqildi.
