Ikki odam hech qachon kambag`al bo`lmaydi:
dono odam va qanoat sohibi.
Ikki ish ulug`likdan dalolat beradi:
ilmga muhabbat hamda shirinso`zlik.
Ikki narsa azizdir:
biri qo`l mehnati bilan topilgan boylik, ikkinchisi dilida do`stlik barqaror bo`lgan sodiq do`st.
Suqrotning aytishicha, ko`nglimizning ikki ofati bor:
birisi o`tgan ishga qayg`urish, ikkinchisi kelgusi ishni o`ylab g`am, alam chekishdir.
Ikki salbiy jihatlarga ega:
qarindoshligini uzgan odamga va qo`shnisiga yomonlik qiluvchiga Olloh nazar qilmaydi.
Ikki yomon xislat kishiga jam bo`lmaydi:
baxillik va badxulqlik.
Ikki narsa ko`ngilni fasodga eltadi:
biri to`la emoq, ikkinchisi to`la uxlamoq.
Tilning ikki ulkan ofati bor:
behuda, bema`ni so`zlarni so`zlash,
haq gapni aytmasdan sukut saqlash.
Ikki toifa odam behuda ishlab, behuda harakat qilgan bo`ladi:
halol yo`l bilan mol-mulk yig`ib, foydalanmagan odam va ilm olib, unga amal qilmagan kishi.
Ikki narsa borki, uning ozi ham ko`p:
biri adovat, ikkinchisi chaqimchilik.