Qarshi shahrida 20 mart kuni tashkil etilgan Navro`z umumxalq saylida Qashqadaryo viloyati hokimi Zoir Mirzaev G`ilon qishlog`idan bo`lgan rassomning asarlarini sotishga yordam berdi.
Qashqadaryoga oid voqealar yoritib boriladigan Telegram kanalda taqdim etilgan videoda viloyat hokimining foto asarlarni atrofdagilarga ko`rsatayotgani ko`rish mumkin.
«Rassom amakini ham tojik tilida ‘Dasti boboi hokim sabuk omad’ (Menimcha, hokim boboning qo`li engil keldi, degani) deb hamrohlariga jilmayishi, mamnunligi bayram ko`rgazmasiga kelib, pul ishlab ketishi xayoliga ham kelmaganidan darak edi», — degan viloyat hokimligi axborot xizmati rahbari Ahror Sodiqov.
