Sirdaryo viloyati Guliston tumanida 18 mart kuni X.M. xolavachchasi I.M.ning uyiga borib, uning tanasiga 10 marta pichoq urib o`ldirdi. Bu haqda viloyat prokuraturasi xabar berdi.
Qayd etilishicha, Yangihayot mahallasida yashovchi X.M. soat 14:40 da o`zganing pul mablag`ini qo`lga kiritish maqsadida xolavachchasi Navbahor mahallasida yashovchi fuqaro I.M.ning uyiga borgan va pichoq bilan badaniga o`n marotaba urib, qasddan o`ldirgan.
Ma`lum bo`lishicha, 18 yoshli yigit otasiz o`sgan hamda onasining yolg`iz farzandi bo`lgan. Hozirda Sirdaryo viloyat prokuraturasi tomonidan dastlabki tergov harakatlari olib borilmoqda.
