Kecha, 21 mart kuni ijtimoiy tarmoqlarda bir guruh ayollar yarim-yalang`och kiyingan holda sumalak pishirayotgani aks etgan video tarqalgan edi. Holat yuzasidan Xorazm viloyati IIB rasmiy munosabat bildirdi.
Xabar qilinishicha, video Urganch shahridagi “Saxara” kafesi oldida, shu kafeda ishlovchi bir guruh xotin-qizlar sumalak tayyorlayotganda tasvirga olingan.
Ijtimoiy tarmoq foydalanuvchilari tomonidan keskin tanqid qilingan ushbu videolavhada aks etgan holat yuzasidan hozirgi kunda Urganch shahar IIO FMB tomonidan surishtiruv ishlari olib borilmoqda.
Surishtiruv yakuni bo`yicha qo`shimcha ma`lumot beriladi.
