Avval xabar berganimizdek, ayni paytda “Obod qishloq”, “Obod mahalla” dasturlari ijrosiga qaratilgan videoselektor bo`lib o`tmoqda. Yig`ilishda Prezident Respublika bo`yicha boshlanishi kutilayotgan qurilish muddatlari masalalariga to`xtalib, bu bo`yicha mas`ullarga topshiriqlar berdi.
“Darakchi” muxbirining xabar qilishicha, Prezident topshirig`iga ko`ra, Bosh vazirning birinchi o`rinbosari Ochilboy Ramatov viloyat hokimlari bilan birga, 10 kun muddatda dasturga kiritilgan barcha qishloq va mahallalarda qurilish ishlari boshlanishiga mas`ul bo`ladi.
“Umuman olganda, Ramatov bu boradagi ishlarni 11 trillion so`mlik ipoteka dasturlari ijrosini ta`minlash bilan birga tashkil etib, jami 30 trillion so`mlik loyihalarni yakuniga etkazishga shaxsan javob beradi”, - dedi davlat rahbari.
Shuningdek, viloyat, tuman va shahar hokimlariga loyiha-smeta hujjatlarisiz qurilish ishlarini boshlash man etildi.
Mavzuga doir:
Haqiqiy obod mahallada “temir”, “ayollar” va “yoshlar” daftarlari bo`lmasligi lozim — Prezident
Prezident Farg`ona, Namangan va Chirchiq shaharlari sektor rahbarlari haqida gapirdi
