O`zbekiston Tashqi ishlar vazirligi O`zbekiston delegasiyasining Qatarga amaliy tashrifi to`g`risida ma`lumot berdi.
Ma`lum qilinishicha, joriy yilning 10-11 aprel kunlari O`zbekiston Respublikasi Tashqi ishlar vaziri Abdulaziz Komilov amaliy tashrif bilan Qatar davlatida bo`ladi.
Bo`lajak uchrashuv va muzokaralar chog`ida O`zbekiston-Qatar munosabatlarining siyosiy, savdo-iqtisodiy, investisiyaviy va boshqa sohalardagi hozirgi holati hamda rivojlanish istiqbollarini muhokama qilish rejalashtirilgan.
Tomonlarni qiziqtirgan mintaqaviy va xalqaro masalalar yuzasidan ham fikr almashiladi.
