Yurtdoshlarimizni xorijda bandligini ta`minlash maqsadida Tashqi mehnat migrasiyasi agentligi tomonidan ko`plab salohiyatli ish beruvchi kompaniyalar va vakolatli tashkilotlar bilan muzokaralar olib borilmoqda. Bu haqda Tashqi mehnat migrasiyasi agentligi ma`lum qildi.
Ushbu muzokaralar natijasida erishilgan kelishuvlarga muvofiq chet elda ishlash istagida bo`lgan yurtdoshlarimiz qurilish, ishlab chiqarish va xizmat ko`rsatish kabi sohalariga ishga jalb etilmoqda.
Yaqinda Qoraqalpog`iston Respublikasidan 118 nafar fuqaro “Dovud ota” chegara posti orqali yirik qurilish ob`ektlarida belgilangan epidemiologik talablarga rioya qilgan holda ishlash uchun Qozog`iston Respublikasining Aqtau shahriga tashkillashtirilgan holda jo`nab ketdi.
Fuqarolarga xorijda ishlash davrida qiyin hayotiy vaziyatga tushib qolgan vaqtda huquqiy yordam ko`rsatishga yo`naltirilgan tarqatma materiallar berildi.