O`zbekistonning Isroil davlatidagi elchixonasi tashabbusi bilan yurtimizning turizm salohiyatini Isroil davlatida keng targ`ib qilish maqsadida, bir qancha amaliy ishlar qilinmoqda. Mazkur ishlarning amaliy ifodasi sifatida, joriy yilning 19-29 aprel kunlari O`zbekistonning Isroildagi Turizm bo`yicha elchisi X.Davidovning yurtimizga tashrifi amalga oshirilishi rejalashtirilgan. Bu haqda Toshkent shahar Turizmni rivojlantirish departamenti axborot xizmati xabar berdi.
Ushbu tashrif doirasi janob elchi targ`ibot materiallarini tayyorlash uchun hozirda Toshkent shahrida bo`lib turibdi. Tashrifning birinchi kuni janob Davidov Toshkent shahar Turizmni rivojlantirish departamenti xodimlari hamrohligida shahrimizning turizm salohiyatiga oid bir qancha videorolik hamda videomurojaatlarni tasvirga olish uchun poytaxtimizdagi "Xazrati Imom" majmuasi va "Tashkent city" parkiga tashrif buyurdi.
