Rossiyalik bloger o`zining “You Tube” dagi sahifasi orqali Samarqand turizm polisiyasi uning roligida tushgan “gid”ga tahdid qilganini e`lon qildi.
Holat yuzasidan viloyat IIB Axborot xizmati quyidagilarni ma`lum qiladi:
Blogerga hamrohlik qilgan Alisher ismli fuqaroga viloyat IIB Xavfsiz turizmni ta`minlash boshqarmasi xodimlari tomonidan tazyiq yoki “15 sutkaga qamab qo`yish” bilan taxdid qilinmagan. Unga ushbu faoliyatini qonuniylashtirish bo`yicha tavsiya berilgan.
Ma`lumot uchun, butun dunyoda turistik polisiyaning asosiy vazifalaridan biri noqonuniy ish olib borayotgan gidlarning faoliyatini tartibga solishdan ham iborat.
"Viloyat IIB Xavfsiz turizmni ta`minlash boshqarmasi Samarqandga turistlarni jalb qilish bilan shug`illanadigan yurtdoshlarimizni qonunda belgilangan tartib va me`yorlarga asosan qo`llab-quvvatlashga doim tayyor",–deyiladi IIB axborotida.
