Bu haqda AOKAda o`tkazilgan brifingda ishtirok etgan Byudjetdan tashqari pensiya jamg`armasi bo`lim boshlig`i Muhammazoir O`rinboev ma`lum qildi.
Unga ko`ra, 2022 yil 1 iyuldan boshlab:
- mehnat staji, ish haqi, oliygohda o`qiganligi va harbiy xizmat davri ma`lumotlari Pensiya jamg`armasining dasturiy ta`minoti bilan bog`langan holda «Yagona mehnat milliy tizimi» orqali elektron tarzda olinadi;
- davlat pensiyalarini tayinlashda fuqarolardan mehnat staji, ish haqi, oliygohda o`qiganligi hamda harbiy xizmat davri to`g`risidagi hujjatlarni talab qilish bekor qilinadi;
- davlat pensiyalarini tayinlash uchun fuqarolardan faqat pasport yoki ID-karta talab etiladi.
