Bir yarim yoshli emizikli bolasi bor ayol bolasining haqqini berib ikki yoshgacha emizish kerakmi yoki ro`za tutgani afzalmi?
Ushbu savolga O`zbekiston musulmonlari idorasi Fatvo hay`ati javob berdi:
- Bismillahir Rohmanir Rohim.
Bir yarim yoshli bola odatda ovqat eya oladi. Shu sababli onasi ro`za tutsa, bolaga zarari tegmaydi. Bu holatda ona ro`za tutishi farz bo`ladi. Ikki yosh bu – bolaning emizish muddatining to`liq bo`lishidir. Er-xotin o`zaro kelishib, bu muddatdan oldin sutdan chiqarishi ham joiz. Vallohu a`lam.
