Бир ярим ёшли эмизикли боласи бор аёл боласининг ҳаққини бериб икки ёшгача эмизиш керакми ёки рўза тутгани афзалми?
Ушбу саволга Ўзбекистон мусулмонлари идораси Фатво ҳайъати жавоб берди:
- Бисмиллаҳир Роҳманир Роҳим.
Бир ярим ёшли бола одатда овқат ея олади. Шу сабабли онаси рўза тутса, болага зарари тегмайди. Бу ҳолатда она рўза тутиши фарз бўлади. Икки ёш бу – боланинг эмизиш муддатининг тўлиқ бўлишидир. Эр-хотин ўзаро келишиб, бу муддатдан олдин сутдан чиқариши ҳам жоиз. Валлоҳу аълам.
