Qashqadaryo viloyati Shahrisabz tumaniga qarashli Ko`l qishlog`iga olib boruvchi 90 kilometrlik yo`lning 62 kilometrida kuchli va keng hajmdagi ko`chki ro`y berdi. Bu haqda Qashqadaryo viloyat hokimligi Axborot xizmati rahbari xabar qildi.
Ma`lum qilinishicha, 5 ta o`rta kattalikdagi ko`chki oqibatlarini bartaraf etishga aholi tashabbus ko`rsatgan. Tuman hokimligi tomonidan texnikalar jalb etilgan. Hashar yo`li bilan yo`l ta`mirlangan.
Tuman hokimi Samad Hasanov voqea joyiga etib borgan. Tuman hokimligi tomonidan hasharchilarga oziq-ovqat mahsulotlari etkazilib berilgan.
