Қашқадарё вилояти Шаҳрисабз туманига қарашли Кўл қишлоғига олиб борувчи 90 километрлик йўлнинг 62 километрида кучли ва кенг ҳажмдаги кўчки рўй берди. Бу ҳақда Қашқадарё вилоят ҳокимлиги Ахборот хизмати раҳбари хабар қилди.
Маълум қилинишича, 5 та ўрта катталикдаги кўчки оқибатларини бартараф этишга аҳоли ташаббус кўрсатган. Туман ҳокимлиги томонидан техникалар жалб этилган. Ҳашар йўли билан йўл таъмирланган.
Туман ҳокими Самад Ҳасанов воқеа жойига етиб борган. Туман ҳокимлиги томонидан ҳашарчиларга озиқ-овқат маҳсулотлари етказилиб берилган.
