Davlat soliq qo`mitasi birlashgan kasaba uyushmasi vakillari hamda Oliy Majlis Qonunchilik palatasi deputati Rasul Kusherbaev bilan uchrashuv bo`lib o`tgan.
Muzokaralar davomida yuzaga kelgan vaziyat muhokama qilingan.
Eslatib o`tamiz, Davlat soliq qo`mitasi va uning tarkibiy bo`linmalari xodimlari Birlashgan kasaba uyushmasi Oliy Majlis Qonunchilik palatasi deputati Kusherbaev Rasul Xidralievich ustidan Fuqarolik ishlari bo`yicha Shayxontohur tumanlararo sudiga da`vo arizasini kiritgan edi.
Xabarda ma`lum qilinishicha, har ikki tomonning ham maqsadi va maslagi birligi, ya`ni mamlakatimiz taraqqiyoti va xalqimiz turmush farovonligi yo`lida xizmat qilish ekanligi ta`kidlanib, masalani sudgacha olib bormasdan, to`xtatishga qaror qilingan.