Andijon shahrining markaziy ko`chalaridan birida viloyat IIB YHXBga tegishli bo`lgan "Lasetti" rusumli, 60 502 VSF davlat raqam belgili avtomobil haydovchisi yo`l harakati qoidalarini chetlab o`tgan. Bu haqda Ichki ishlar vazirligi Yo`l harakati xavfsizligi Bosh boshqarmasi ma`lum qildi.
Xabarga ko`ra haydovchi yo`lning o`rtasida chizilgan, qarama-qarshi yo`nalishdagi transport vositalarining oqimini ajratuvchi 1.3. yo`l yotiq chizig`ini kesib o`tib ortga qayrilib olgan. Bu holat aks etgan video lavha ijtimoiy tarmoqlarda tarqaldi.
Holat o`rganildi va qoidabuzar haydovchi R.A.ga nisbatan BHMning ikkidan bir qismi miqdorida jarima jazosi belgilandi.
