Андижон шаҳрининг марказий кўчаларидан бирида вилоят ИИБ ЙҲХБга тегишли бўлган "Ласетти" русумли, 60 502 VSF давлат рақам белгили автомобиль ҳайдовчиси йўл ҳаракати қоидаларини четлаб ўтган. Бу ҳақда Ички ишлар вазирлиги Йўл ҳаракати хавфсизлиги Бош бошқармаси маълум қилди.
Хабарга кўра ҳайдовчи йўлнинг ўртасида чизилган, қарама-қарши йўналишдаги транспорт воситаларининг оқимини ажратувчи 1.3. йўл ётиқ чизиғини кесиб ўтиб ортга қайрилиб олган. Бу ҳолат акс этган видео лавҳа ижтимоий тармоқларда тарқалди.
Ҳолат ўрганилди ва қоидабузар ҳайдовчи Р.А.га нисбатан БҲМнинг иккидан бир қисми миқдорида жарима жазоси белгиланди.
