Toshkentda 14-15 may kunlari O`zbekiston Respublikasi va Tojikiston Respublikasi o`rtasida Savdo-iqtisodiy hamkorlik bo`yicha Hukumatlararo komissiyaning 8-yig`ilishi bo`lib o`tadi.
Shu munosabat bilan, Tojikiston Respublikasi Bosh vaziri Qohir Rasulzoda boshchiligidagi delegasiya 14 may kuni mamlakatimizga tashrif buyuradi.
Shuningdek bugun O`zbekiston Prezidenti Shavkat Mirziyoev Tojikiston Prezidenti Emomali Rahmon bilan telefon orqali muloqot qildi.
Davlat rahbarlari bir-birlarini hamda ikki mamlakat birodar xalqlarini Ramazon hayiti bilan dildan qutladilar.
O`zbekiston-Tojikiston do`stlik, yaxshi qo`shnichilik va strategik sheriklik munosabatlarini yanada rivojlantirishning dolzarb masalalari ko`rib chiqildi. Bo`lajak oliy darajadagi uchrashuvga tayyorgarlik ko`rish masalasiga alohida e`tibor qaratildi.