Jinoyat ishlari bo`yicha Xonqa tuman sudining raisi Maqsudbek Qilichev avtohalokat sabab bu dunyoni bevaqt tark etdi. Bu haqda O`zbekiston Respublikasi Sudyalar oliy kengashi xabar berdi.
1978 yilda tavallud topgan M. Qilichev faoliyatini Xalq banki Xorazm viloyati Xiva filialida oddiy ishchilikdan boshlagan edi. Oliy tahsildan so`ng fuqarolik ishlari bo`yicha Xorazm viloyati sudida kotib, Xiva tuman tovar ishlab chiqaruvchilar va tadbirkorlar palatasi axborot maslahat konsalting markazining huquqiy maslahatchisi, advokatlik firmasi rahbari vazifalarida ishladi.
2012-2017 yillarda jinoyat ishlari bo`yicha Qo`shko`pir tuman sudining raisi, vafotiga qadar jinoyat ishlari bo`yicha Xonqa tuman sudi raisi lavozimida ishlab kelayotgan edi.
Darakchi.uz jamoasi marhumning yaqinlariga chuqur hamdardlik bildiradi.
