Korrupsiyaga qarshi kurashish tizimi takomillashtirilishi munosabati bilan ayrim qonun hujjatlariga o`zgartirish va qo`shimchalar kiritilmoqda. Bu haqda Oliy Majlis quyi palatasining deputati Rasul Kusherbaev xabar berdi.
Unga ko`ra:
- parlament tomonidan O`zbekiston Respublikasida korrupsiyaga qarshi kurashish to`g`risida milliy ma`ruzani ko`rib chiqish tartibi;
- Korrupsiyaga qarshi kurashish agentligi xodimlarining qamoqda saqlash joylariga mone`liksiz kirishi;
- korrupsiyaga oid huquqbuzarliklar to`g`risida axborot berayotgan shaxslarning shaxsi sir saqlanishi, o`zining, shuningdek yaqin qarindoshlarining ijtimoiy-huquqiy himoya qilinishi davlat tomonidan kafolatlanishi belgilanmoqda.
Qonun loyihasi deputatlar tomonidan birinchi o`qishda qabul qilindi.
