Avval xabar berganimizdek, 17-18 may kunlari Toshkent shahar hokimi Jahongir Ortiqxo`jaev, Toshkent viloyati hokimi Davron Hidoyatov, Uy-joy kommunal xizmat ko`rsatish vaziri Sherzod Hidoyatov va boshqa mutasaddilardan tashkil topgan o`zbek delegasiyasining Tatariston poytaxti Qozon shahriga tashrifni amalga oshirildi.
Toshkent viloyati hokimligi vakillari Qozon Federal Universiteti rahbariyati bilan uchrashdi. Bu haqda Toshkent viloyati hokimligi ma`lum qildi.
Muloqot chog`ida ijtimoiy fanlar, iqtisodiyot va boshqa yo`nalishlarda kadrlar tayyorlaydigan oliy o`quv yurtini Toshkent viloyatida ochish, o`quv jarayonlariga Tataristonlik professor-o`qituvchilarni jalb qilish haqida kelishildi.