Toshkent shahrining Olmazor va Shayxontohur tumanlari hamda
Toshkent viloyatining Qibray tumani
(“Musaffo obi hayot” MChJ iste`molchilaridan tashqari)
aholi foydalanuvchilari diqqatiga!
Sohani raqamlashtirish orqali to`lov intizomi va madaniyatini kuchaytirish, shuningdek, etkazib berilayotgan ichimlik suvi va ko`rsatilayotgan oqava suv xizmatlari bo`yicha pul mablag`lari oqimining shaffofligini yanada oshirish orqali korrupsion holatlarni oldini olish bo`yicha amaliy choralar kengaytirilib borilmoqda.
Bu kabi choralarning mantiqiy davomi sifatida, 2021 yil 20 maydan
1 iyulgacha pilot loyiha tariqasida ushbu tumanlarda suv ta`minoti korxonalarining nazoratchilari tomonidan xizmatlar uchun aholidan pul undirish ishlari butunlay to`xtatilishi ma`lum qilinadi.
Ushbu hududlarga biriktirilgan nazoratchilar faqat belgilangan tartibdagi kuzatuv va xatlov ishlari bilan shug`ullanadi, ular tasarrufidagi to`lov terminallari va termoprinterlar boshqa hududlarga biriktiriladi.
O`z navbatida, ichimlik va oqava suv xizmatlari uchun to`lovlarni o`z vaqtida amalga oshirishda Siz qulay va tezkor bo`lgan quyidagi vositalardan foydalanishingiz mumkinligi eslatib o`tiladi:
- http://Cabinet.uzst.uz shaxsiy kabinet orqali;
- @uzst_bot telegram-boti orqali;
- elektron to`lov tizimlari (Click, Paynet, Upay, Payme, Oson) hamda to`lov infokiosklari;
- tijorat banklari mobil ilovalari;
- tijorat bank kassalari va shahobchalari hamda pochta bo`limlari.
Hurmatli Qibray (“Musaffo obi hayot” MChJ iste`molchilaridan tashqari), Olmazor va Shayxontohur tumanlari iste`molchilari!
Ushbu pilot loyiha davrida iste`mol qilingan ichimlik suvi va oqava suv xizmatlari uchun suv ta`minoti korxonalari nazoratchilari to`g`ridan-to`g`ri to`lov talab qilishlari holatlariga duch kelsangiz, “O`zsuvta`minot” AJning korrupsiyaga qarshi kurashish bo`yicha 555-03-1055 telefon raqamiga yoki stopcorruption@umail.uz elektron pochtasi orqali murojaat qiling.
Shuningdek, respublika bo`yicha 12-55 yagona qisqa raqami (barcha qo`ng`iroqlar bepul) hamda “Suvta`minot / Vodosnabjenie” (t.me/uzsuv_chat) telegram-chati vositasida ham Siz sohaga oid barcha savollar, murojaatlar va takliflaringiz bilan murojaat qilishingiz mumkin.
Sohada olib borilayotgan va avvalambor, aholiga xizmat ko`rsatish ko`lami va sifatini oshirishga qaratilgan bu kabi islohotlarni qo`llab-quvvatlashingizga umid bildirib qolamiz.
