Jinoyat ishlari bo`yicha Olmazor tuman sudining sudyalari tomonidan jinoyatchilikni jilovlash, jinoyatchilik profilaktikasini yanada takomillashtirishga bag`ishlangan yig`ilish va sayyor sud majlisi o`tkazildi. Bu haqda Toshkent shahar sudining Jamoatchilik va OAV bilan hamkorlik bo`yicha bosh konsultanti Sadoqat Allaberganova “Aniq.uz”ga xabar qildi...
Olmazor tuman hududida yashovchi muqaddam sudlanganlar, tuman IIO FMB Probasiya bo`limi hisobida jazo muddatini o`tayotgan mahkumlar, ma`muriy nazoratda va profilaktik hisobda turgan shaxslar bilan jinoyatchilikni oldini olishga bag`ishlangan yig`ilish bo`lib o`tdi.
Ichki ishlar organlari faoliyatini muvofiqlashtirish boshqarmasi binosida o`tgan mazkur yig`ilishda jinoyat ishlari bo`yicha Olmazor tuman sudining raisi Z. Bobonov hamda tuman sudining sudyalari M. Abidov va J. Najimov tomonidan tuman IIO FMB Probasiya bo`limi hisobida turgan mahkumlarni jazodan muddatidan ilgari shartli ozod qilish hamda jazoni o`tash tartibini buzgan mahkumlarni jazosini og`irroq jazoga almashtirishga oid 4 ta taqdimnoma sayyor sud majlisida ko`rib chiqildi.
Zafar Bobonov, jinoyat ishlari bo`yicha Olmazor tuman sudi raisi:
— 60 yoshli erkak 2012 yil 2 martda JIB Mirobod tuman sudi tomonidan JKning 28,246-moddasi 2-qismi, 28,273-moddasi 5-qismi va 25,28,273-moddasi 5-qismi bilan aybdor deb topilgan. JKning 59-moddasiga asosan, 18 yil muddatga ozodlikdan maxrum qilish jazosi tayinlangan. 2019 yil 29 mayda JIB Olmaliq shahar sudi ajrimiga asosan JKning 74-moddasiga ko`ra, o`talmay qolgan 7 yil 3 oy 4 kun ozodlikdan maxrum qilish jazo muddati, shu muddatga har oylik ish haqidan 20 foizdan davlat daromadi hisobiga undirilgan holda axloq tuzatish ishlari jazosiga almashtirilgan.
JKning 75-moddasida axloq tuzatish ishlari jazosiga hukm qilingan shaxslar jazoni o`tash vaqtida pensiya yoshiga etgan bo`lsalar, jazoni o`tashdan ozod qilinadi, deb ko`rsatilgan. Shunga ko`ra, sayyor sudda ishi ko`rilgan 60 yoshli mahkum o`talmay qolgan 5 yil 6 oy 25 kun jazodan muddatidan ilgari shartli ozod qilindi.
Mirziyod Abidov, jinoyat ishlari bo`yicha Olmazor tuman sudi sudyasi:
— 2015 yil 5 mayda JIB Shayxontohur tuman sudining hukmiga ko`ra, 53 yoshli erkak JKning 266-moddasi 1-qismi va 273-moddasi 3-qismi “a” bandi bilan aybdor deb topilib, JKning 60, 61-moddasiga asosan 7 yil 3 oy muddatga ozodlikdan mahrum qilingan. 2018 yil 12 noyabrda JIB Olmaliq shahar sudining ajrimiga ko`ra, JKning 74-moddasi 3-qismi “v” bandiga asosan o`talmagan 3 yil 6 oy 21 kun ozodlikdan mahrum qilish jazosi shu muddatga har oylik ish haqidan 20 foizi davlat daromadi hisobiga undirilgan holda axloq tuzatsh ishlari jazosiga almashtirilgan.
Hozirda mahkum ahloq tuzatish ishlari jasini 2 yil 5 oyini o`tagan. JKning 73-moddasiga asosan axloq tuzatish ishlari jasini 3/2 qismini o`taganini inobatga olib, o`talmay qolgan 1 yil 1 oy 21 kunlik jazodan muddatidan avval shartli ozod qilindi.
Shuningdek, va 2020 yil 19 martda JIB Chilonzor tuman sudining hukmiga ko`ra, JKning 109-moddasi 2-qismi, 277-moddasi 3-qismi “g” bandi bilan 3 yil ozodlikni cheklash jazosi tayinlangan 31 yoshli mahkum ham muddatidan ilgari shartli ozod qilindi.
