Ijtimoiy tarmoqlarda Qashqadaryo viloyati Koson tumanida bir guruh qizlar janjallashgani aks etgan videolavha tarqaldi.
Viloyat IIBning ma`lum bo`lishicha, 2021 yil 13 may kuni taxminan soat 14.00 larda Koson tumani markazida joylashgan Davlat xizmatlari binosi ro`parasida bir guruh qizlar o`zaro tortishib, bir-birlari bilan urishib, karantin qoidalariga amal qilmasdan, jamiyatda yurish-turish qoidalarini qasddan mensimasdan janjallashgan.
Mazkur holat yuzasidan Koson tuman IIB xodimlari tomonidan tergovga qadar tekshiruv harakatlari olib borilib, janjalda ishtirok etgan fuqarolarga nisbatan javobgarlik masalasini hal qilishlik uchun to`plangan hujjatlar Jinoyat ishlari bo`yicha Koson tuman sudiga yuborildi.
