Ижтимоий тармоқларда Қашқадарё вилояти Косон туманида бир гуруҳ қизлар жанжаллашгани акс этган видеолавҳа тарқалди.
Вилоят ИИБнинг маълум бўлишича, 2021 йил 13 май куни тахминан соат 14.00 ларда Косон тумани марказида жойлашган Давлат хизматлари биноси рўпарасида бир гуруҳ қизлар ўзаро тортишиб, бир-бирлари билан уришиб, карантин қоидаларига амал қилмасдан, жамиятда юриш-туриш қоидаларини қасддан менсимасдан жанжаллашган.
Мазкур ҳолат юзасидан Косон туман ИИБ ходимлари томонидан терговга қадар текширув ҳаракатлари олиб борилиб, жанжалда иштирок этган фуқароларга нисбатан жавобгарлик масаласини ҳал қилишлик учун тўпланган ҳужжатлар Жиноят ишлари бўйича Косон туман судига юборилди.
